Գագիկ Սարուխանյանը ծնվել է 1978 թվականին Վանաձորում, որտեղ էլ ստացել է
նախնական կրթությունը։
1991 թվականին, 13 տարեկանում, կրթաթոշակ ստանալով՝ տեղափոխվել է
Իտալիա՝ ուսումը շարունակելու նպատակով։ Ավարտել է Վենետիկի Մուրադ-
Ռաֆայելյան վարժարանը, իսկ 2001 թվականին՝ Տրիեստեի համալսարանի
Գորիցիայի մասնաճյուղի Միջազգային եւ դիվանագիտական գիտությունների
բաժինը։
Ձեռնարկատիրական գործունեությունը սկսել է 2004 թվականին՝
ավտոմատացման ոլորտում։ 2009 թվականին հիմնել է Sartis Srl ընկերությունը,
որը զբաղվում է իտալական բարձրորակ հագուստի արտադրությամբ։
Ընկերությունը տարիների ընթացքում միջազգային շուկայում ներկայացրել է
միլիոնավոր արտադրանքներ՝ «Պատրաստված է Հայաստանում» պիտակով։
Ներկայումս Sartis-ին են պատկանում Հայաստանի տարբեր քաղաքներում
տեղակայված երկու գործարան` շուրջ 2.500 աշխատակիցներով:
2006-2019 թվականներին զբաղեցրել է Իտալիայի «Apindustria Venezia» Փոքր եւ
Միջին Արդյունաբերությունների Ասոցիացիայի փոխնախագահի պաշտոնը։ Այդ
պաշտոնից հրաժարվել է 2019-ին՝ Վենետիկում Հայաստանի Հանրապետության
պատվավոր հյուպատոս նշանակվելու կապակցությամբ (04.09.2019թ.՝ Իտալիայի
ԱԳՆ հրամանով)։
Տարիներ շարունակ հայկական մշակույթի եւ ավանդույթների պահպանմանն ու
խթանմանը ուղղված բարեգործական նախաձեռնությունների համար ստացել է
բազմաթիվ մրցանակներ։ Հագուստի արտադրության ոլորտում ունեցած
ներդրումների եւ արդյունքների համար արժանացել է մի շարք պատվոգրերի։
2017 թվականին ՀՀ Նախագահի կողմից պարգեւատրվել է Երկրորդ աստիճանի
մեդալով՝ տնտեսական եւ սոցիալական ոլորտում ներդրումների, ինչպես նաեւ
Հայաստանում նոր աշխատատեղեր ստեղծելու համար։
Տիրապետում է հայերեն, իտալերեն, ռուսերեն եւ անգլերեն լեզուներին։
Ամուսնացած է, ունի երկու դուստր։