21.12.2020

1-ին աշխարհաքաղաքական ֆորումը կազմակերպված Report Difesa-ի կողմից

Հյուպատոսի խոսքը՝ սկսած ժամը 10:25-ից, Լեռնային Ղարաբաղում (Արցախում) վերջերս տեղի ունեցած պատերազմի վերաբերյալ, տուժած տարածքների ներկա իրավիճակի, ինչպես նաև Թուրքիայի մարտահրավերի մասին՝ ուղղված Հայաստանի դեմ և Ռուսաստանի նոր դերի մասին:

Մասնակցում են՝ Դեսպան Ումբերտո Վատտանի

Պատգամավոր Վիտո Կոմենչինի

Մատտիա Կարլին - Հյուպատոսների Միության փոխնախագահ

Լուկա Տատարելլի - Report Difesa-ի տնօրեն

Գեներալ Ֆրանչեսկո Իպպոլիտի

Մաուրո Ֆուրլանետտո - Մալթայի Պատվո Հյուպատոս

Կառլո ԴալլաԱվա - Ռուսաստանի Պատվո Հյուպատոս

>>Հղում

04.12.2020

Իտալիայում Հայաստանի Դեսպան Ն․Գ․ Ծովինար Համբարձումյանի պատվավոր այցը Վենետիկ:

Հանդիպման ընթացքում Հյուպատոս Գագիկ Սարուխանյանը Դեսպանին տեղեկացրեց Վենետոյի հայ համայնքին վերաբերող տարբեր իրադարձությունների և կարևոր հարցերի մասին:

Դեսպանը տեղեկացվել է նաև տարբեր քաղաքային վարչակազմերում Արցախի Հանրապետության ճանաչմանը վերաբերող բանաձևերի առաջընթացի մասին:

Ինչպես նաև, Ն․Գ․ Ծովինար Համբարձումյանը շնորհակալություն հայտնեց Վենետոյի Հայ Համայնքին՝ վերջերս Արցախի բնակչության համար առատաձեռն մարդասիրական օգնություն Հայաստան ուղարկելու համար:

03.12.2020

3-րդ և ամենամեծ հումանիտար օգնության բեռը՝ ուղղված Լեռնային Ղարաբաղի (Արցախի) պատերազմում տուժած մեր հայրենակիցներին, մեկնում է Հայաստան։

Շնորհակալություն ենք հայտնում Organizzazione Umanitaria Maniverso Onlus-ին, որն իր պահեստը տրամադրել էր ապրանքների հավաքման համար, ինչպես նաև Comunità Lituana del Veneto, la Caritas Vittorio Veneto, Angolo del Riuso Solidale Venezia և այլ կազմակերպությունների, որոնք նույնպես նպաստել են հավաքին՝ տրամադրելով ապրանքներ։

Հատուկ շնորհակալություն ենք հայտնում Հայ Համայնքի ակտիվ անդամներին ապրանքների հավաքագրումը իրականացնելու և կազմակերպելու համար, ինչպես նաև բոլոր նրանց, ովքեր իրենց ուժերի ներածին չափով իրենց լուման են ներդրել այս նախաձեռնությունում։

Ականատես եղանք մի հսկայական մարդկային համագործակցության և համախմբվածության, որոնք աներկմտաբար կերտում են անգնահատելի համամարդկային արժեքներ։

Շնորհակալություն բոլորին։

27.11.2020

Դանիելե Դելլ՛Օրկոյի ճանապարհորդական օրագիրը՝ ներառյալ տեքստ և նկարներ:

Ստացված ամբողջ հասույթը կուղղվի Արցախի բնակչությանն աջակցելու համար:

>>Հղում

19.11.2020

Ուշադրություն

Վենետիկում ՀՀ Պատվո Հյուպատոսությունը՝ արդեն իսկ հոկտեմբեր-նոյեմբեր ամիսներին կազմակերպելով հակամարտությունից տուժած մեր հայրենակցներին ուղղված 2 հումանիտար օգնությունների առաքումը Հայաստան, հայտնում է, որ կազմակերպվում է 3-րդ բեռի առաքումը:

Ապրանքների հավաքման վերջնաժամկետը՝ 30/11/2020թ․։

Ապրանքների հավաքագրման վերաբերյալ տեղեկատվության համար խնդրում ենք կապ հաստատել հետևյալ հեռախոսահամարով՝ +39 041 52 37 865:

12.11.2020

Հյուպատոս Գագիկ Սարուխանյանի հարցազրույցը Report Difesa-ին:

>>Հղում

11.11.2020

Հանդիպում Իտալիայի Հյուպատոսների Միության փոխնախագահ պրն. Մատտիա Կարլինի հետ, ով անհապաղ տեղեկացվել է աշխարհաքաղաքական իրավիճակի և Կովկասում ընթացող վերջին իրադարձությունների մասին:

06.11.2020

Վարչապետ Նիկոլ Փաշինյանն այսօր ընդունել է Հայաստանում Իտալիայի արտակարգ և լիազոր դեսպան պրն․ Վինչենցո դել Մոնակոյին, ով ավարտում է իր դիվանագիտական առաքելությունը մեր երկրում:

Հանդիպման ընթացքում քննարկվել է նաև Ադրբեջանի և Թուրքիայի ռազմական հարձակումը Արցախի Հանրապետության դեմ:

>>Հղում

28.10.2020

Ազոլոյի քաղաքային խորհուրդը միաձայն որոշում կայացրեց աջակցել հայ ժողովրդին ՝ Արցախի Հանրապետության (Լեռնային Ղարաբաղի) անկախության ճանաչման հարցով և պարտավորվեց դիմել Իտալիայի իշխանություններին ճանաչելու Արցախը, որպես հայ ժողովրդի հետ համերաշխության նշան՝ նպատակ ունենալով վերջ դնել ռազմական գործողություններին:

Շնորհակալություն Ազոլո

>>Դիտել՝ 8:40-ից

26.10.2020

Վենետոյում Հայաստանի Պատվո Հյուպատոս Գագիկ Սարուխանյանի հարցազրույցը «La Nazione Futura»-ին։

>>Հղում

18.10.2020

Հայ Համայնքի ֆլեշմոբը Վենետիկում - Ռիալտոյի կամուրջ

>>Հղում

15.10.2020

Վենետոյում Հայաստանի Պատվո Հյուպատոս Գագիկ Սարուխանյանի հարցազրույցը «La Nuova di Venezia» թերթին։

>>Հղում

15.10.2020

Լրագրող Ջան Միկալեսսինի ռեպորտաժը, ով ներկա պահին գտնվում է Լեռնային Ղարաբաղում։

>>Հղում

09.10.2020

Հանդիպում հայտնի լրագրող և գրող Աւետիս Հաճեանի հետ

Քննարկվել է Արցախի (Լեռնային Ղարաբաղի) տարածքում ընթացող պատերազմի թեման և դրա սոցիալ-քաղաքական հետևանքները։

06.10.2020

Վենետիկի Պատրիարք Ֆրանչեսկո Մորալիայի խոսքը Կովկասում ընթացիկ հակամարտության վերաբերյալ:

>>Հղում

27.09.2020

ՀՀ ԱԳՆ հայտարարությունը

Այսօր վաղ առավոտյան, շփման գծի ողջ երկայնքով ադրբեջանական կողմը ակտիվ հրետակոծություն է սկսել՝ թիրախավորելով նաև խաղաղ բնակավայրերը, այդ թվում՝ մայրաքաղաք Ստեփնակաերտը:

Խստագույնս դատապարտում ենք Ադրբեջանի ռազմաքաղաքական ղեկավարության ագրեսիան Արցախի Հանրապետության նկատմամբ։ Հայկական կողմերը վստահորեն գործելու են իրենց ողջ կարողությամբ՝ ապահովելու Արցախի բնակչության անվտանգությունը և տալու համարժեք քաղաքական և ռազմական պատասխան։ Իր կողմից սանձազերծված ագրեսիայի հետևանքների ողջ պատասխանատվությունը կրում է Ադրբեջանի ռազմաքաղաքական ղեկավարությունը:

21.09.2020

Սիրելի հայրենակիցներ, շնորհավորում ենք Անկախության տոնի կապակցությամբ։

Բազմաթիվ ճգնաժամերի և դժվարությունների միջով անցնելով՝ այսօր առավել քան երբևէ պետք է համախմբվենք Մեր Հայրենիքի կողքին՝ պահպանելով Հայի ինքնությունն աշխարհում:

20.09.2020

Այսօր Հյուպատոսը ներկա գտնվեց Ազիագոյի Միջազգային ֆիլատելիստական արվեստի 50րդ մրցանակաբաշխությանը՝ վերցնելով հեղինակավոր մրցանակը, որն առաջին անգամ հանձնվեց Հայաստանին 2019 թվականին շրջակա միջավայրի թեմայով թողարկված լավագույն նամականիշի համար:

Միջազգային ժյուրին ճանաչեց և պարգևատրեց «ծիծեռնակի գրագետ ներկայացումը՝ կատարելագործված հին հայկական մանրանկարչության ոճով»:

>>Հղում

08.09.2020

Մասնակցեցինք Մխիթարյան Միաբանության հիմնադիր՝ Մխիթար Աբբահոր , երանացման և սրբադասման դատի վերաբացման արարողությանը։

05.09.2020

Բարեկամական հանդիպում Վենետիկում՝ Հայ համայնքի ընկերներ Վճռաբեկ դատարանի Նախագահ պրն. Պիետրո Կուրցիոյի և դատավոր տկն. Մաուրա Կապրիոլիի հետ։